Ўзбекистон Футбол федерацияси президенти Умид Аҳмаджонов Миллий олимпия қўмитаси (МОҚ) президенти лавозимига сайланди.
16 январь куни Тошкентда МОҚнинг навбатдан ташқари ҳисобот-сайлов бош ассамблеяси бўлиб ўтди, дея хабар қилди ЎФФ матбуот хизмати. Унда Ўзбекистон бош вазири Абдулла Арипов, Жисмоний тарбия ва спорт Давлат Қўмитаси раиси Рустам Қурбонов, спорт федерациялари ва вилоятлардаги спорт ташкилотлари раҳбарлари иштирок этишди.
2017 йил январида қўмита президентлигига «Ўзбекнефтгаз» компанияси бошқаруви раиси Алишер Султонов сайланган эди.
Миллий олимпия қўмитасининг янги вице-президентлари Мурод Азимов, Алишер Султонов, Ойбек Қосимов ва Салим Абдувалиев бўлишди.
Ассамблеяда сўзга чиққан Умид Аҳмаджонов унга билдирилган ишончни оқлаш ва Ўзбекистонда олимпия спорт турларини ривожлантириш учун бор куч ва ғайратини ишга солишга ваъда берди.
