Ўзбекистон, Қирғизистон ва Қозоғистон темир йўл компаниялари «Тошкент-Рибачье» йўловчи поезди ҳаракатини йўлга қўйишга келишиб олди, дея хабар қилди «Киргиз темир жолу» компанияси.
Рейслар «Ўзбекистон темир йўллари» томонидан 2018 йил ёзида ҳафтасига бир марта амалга оширилади. Бу ҳақдаги келишувга Қирғизистон Президентининг яқинда Тошкентда қилган сафарида эришилган эди.
Айни пайтда поездлар жадвали ва тарифларни шакллантириш бўйича тайёргарлик ишлари олиб борилмоқда.
