АҚШнинг Вашингтон штатидапоезднинг автострадага қулаб тушиши оқибатида энг камида уч киши (айрим манбаларда олти киши) ҳалок бўлиб, ўнлаб йўловчилар жароҳатланди. Бу ҳақда РИА Новости Seattle Times газетасига асосланиб хабар қилди.
Жароҳатланганлар орасида поезд йўловчилари ҳам, қулаган вагонлар остида қолган автомобиллар ҳайдовчилари ва йўловчилари ҳам бор. Жами 100 киши шифохонага ётқизилган.
Авария душанба куни маҳаллий вақт билан 7:30 да Сиэтлдан 80 км жанубдаги Дюпонт шаҳри яқинида содир бўлди. Темир издан чиқиб кетган вагонлар Interstate 5 шоссесига қулаган.
Amtark оператор компанияси аварияга дучор бўлган тезюрар поезд илк бор Сиэтл ва Портленд орасидаги йўналишга чиққан.
Ҳодисага тезликнинг меъёридан ортиши сабаб бўлган. Поезд рухсат берилган 30 мил/соат ўрнига 80 мил/соат тезликда ҳаракатланиб келган.
Seattle Times хабарига кўра, авария муносабати билан компания Сиэтл-Портленд рейси чипталари нархини икки баробарга арзонлаштирган.
