Туризмни ривожлантириш давлат қўмитаси Ўзбекистон фуқароларига Агунг вулқони уйғонгани сабабли Индонезиянинг Бали оролига вақтинча ташриф буюрмай туришни тавсия қилмоқда. Бу ҳақда вазирлик матбуот хизмати Ўзбекистоннинг Жакартадаги элчихонасига таяниб хабар қилди.
Бундан ташқари, мамлакат сайёҳлик компанияларига Балида вужудга келган ноқулай ҳолатни ҳисобга олиш тавсия этилди.
РИА Новости маълумотларига кўра, Агунг вулқони 21 ноябрь куни илк марта ҳаракатга келган. Вулқон оғзидан 700 м баландликка тутун кўтарилган. Ҳукумат вулқоннинг ҳаракат фаоллиги даражасини тўрт имкониятдан икки деб баҳолади. 26 ноябрь куни иккинчи уйғониш бошланди, қулқон лава чиқараётгани йўқ, бироқ тутун устуни 4000 м баландликка кўтарилди, шу муносабат билан ҳаво транспорти учун энг баланд қизил хавф даражаси эълон қилинди. 100 минг киши истиқомат қилувчи 22 та қишлоқда эвакуация эълон қилинди. Денпасардаги халқаро аэропорт фаолияти тўхтатилиб, юзлаб халқаро рейслар бекор қилинди.
Мазкур вулқон сентябрда ҳам ҳаракатга келган эди. Ўшанда 144 мингдан зиёд киши эвакуация қилинди. Агунг вулқони сўнгги бор 1963 йилда қаттиқ уйғонган, 1000 дан ортиқ киши ҳалок бўлган эди.
