Ягона интерактив давлат хизматлари порталида (my2.gov.uz) давлат нотариуслари қабулига онлайн ёзилиш хизмати ишга туширилди. Бу ҳақда UZINFOCOM Маркази матбуот хизмати «Газета.uz"га хабар қилди.
Хизматдан бутун Ўзбекистондаги юридик ва жисмоний шахслар фойдаланиши мумкин. Қабулга ёзилиш учун махсус формани тўлдириш, унда хизмат тури, санаси, аниқ вақти, нотариал идора ва бошқа маълумотлар киритилиши лозим.
Мурожаат қилувчи белгиланган вақтда келмаса, қабул умумий тартибда ёки қабул вақтини қайта белгилаш йўли билан амалга оширилади. Белгиланган вақтда бошқа шахсни қабул қилиш мумкин эмас.
UZINFOCOM Марказидан қайд этилишича, Адлия вазирлиги хусусий нотариуслар қабулига онлайн ёзилиш имкониятларини ҳам ишлаб чиқмоқда.
