23 ноябрь куни Тошкентда Енгил атлетика маркази очилди. ЎзАнинг хабар қилишича, бу каби иншоот Марказий Осиёда ягона ҳисобланади.
Спорт объектида 9 та югуриш йўлаги, узунликка сакраш учун 4 сектор, баландликка ва лангарчўп билан сакраш учун 2 тадан сектор, ядро улоқтириш, диск, тўқмоқ ва найза отиш учун майдонча, 3000 метрга югуриш йўлакчаси мавжуд.
Шунингдек марказ биносида 72 кишига мўлжалланган ётоқхона, машғулотлар зали, бассейн, кийим алмаштириш ва тиббий хоналар ўрин олган.
