Таиландда одам савдоси билан шуғулланганликда гумон қилиниб қидирувга берилган 49 ёшли аёл қўлга олинди. Операция ИИВ Терроризм ва экстремизмга қарши курашиш бош бошқармаси ҳамда «Интерпол» Миллий марказий бюроси томонидан ўтказилди.

ИИВ матбуот хизматининг хабар қилишича, Самарқанд вилоятининг Булунғур туманида яшаган гумонланувчи Ўзбекистондан аёлларни Таиланд давлатига олиб бориб, у ерда фоҳишалик қилиш билан шуғуллантирган, улардан шаҳвоний мақсадларда фойдаланган уюшган гуруҳга етакчилик қилган.

Гумонланувчи жавобгарликни таъминлаш мақсадида Ўзбекистонга олиб келинди.