2017 йилнинг 21 ноябрь куни соат тахминан 15:00ларда «Абу Сахий» бозори ҳудудида руҳий касалликлар шифохонасидан қочган учинчи шахс Шерқул Омонов қўлга олинди. Бу ҳақда Тошкент ИИББ матбуот хизмати хабар қилди.

Ушлаш жараёнида у ёнида бўлган пичоқ билан ички ишлар органлари ходимига қуролли фаол қаршилик кўрсатиб, ён атрофдагиларга нисбатан жиддий хавф туғдирган.

«ИИО ходими тан жароҳати олган бўлишига қарамай, юқори профессионал тайёргарлиги ва жасорати туфайли Шерқул Омоновни қуролсизлантириб, қўлга олган», - дейилади хабарда.

Эслатиб ўтамиз, бошқа икки қочоқ 20 ноябр куни ҳуқуқни муҳофаза қилиш органлари томонидан қўлга олинган эди.