Ўзбекистон ва Арманистон бош вазирлари Абдулла Арипов ҳамда Карен Карапетян 3 ноябрь куни Тошкентда бўлиб ўтган учрашувда икки томонлама алоқаларга янги туртки беришга келишиб олди, дея хабар қилди Арманистон ҳукумати сайти.
Музокараларда иқтисодий ҳамкорлик бўйича ҳукуматлараро комиссия ташкил этишнинг муҳимлиги қайд этилди.
Бундан ташқари, дипломатик ваколатхоналар очиш ҳамда Тошкент ва Ереван ўртасида тўғридан-тўғри ҳаво алоқасини ўрнатиш муҳокама қилинди.
Ҳукумат раҳбарлари туризм соҳасида ўзаро алоқаларни ривожлантириш имкониятларини ҳам муҳокама этишди.
