«Уральские авиалинии» авиакомпанияси Москвадан Навоий ва Урганчга рейсларни қайта тиклаши тўғрисида хабар қилди.

«Москва-Навоий-Москва» йўналиши бўйича парвозлар 21 сентябрдан жума кунлари йўлга қўйилади. «Москва-Урганч-Москва» рейси эса 20 сентябрдан чоршанба ва шанба кунлари амалга оширилади.

13 сентябрдан «Уральские авиалинии» Санкт-Петербургдан («Пулково», чоршанба кунлари), 16 сентябрдан эса Екатеринбургдан («Кольцово», шанба кунлари) Наманганга парвозларни амалга оширишни бошлайди.