Ўзбекистон Олий Мажлиси Сенати жума кунги 11-ялпи мажлисида Тўйтепа шаҳрининг номини Нурафшонга ўзгартиришни тасдиқлади, деб хабар берди ЎзА.
Бир кун аввал парламентнинг юқори палатаси Тўйтепа чегараларига киритилган ўзгартишлар, шунингдек, уни вилоят бошқарувидаги шаҳар тоифасига киритиш ҳамда шаҳарни Тошкент вилояти маъмурий маркази этиб белгилашни тасдиқлаган эди. Бунгача Тошкент вилояти маъмурий марказга эга эмас эди. Йил аввалида пойтахт вилояти ҳокимияти Тошкентдан Тўйтепага кўчирилди.
Ҳозирда ҳашарни тўлиқ қайта қуриш лойиҳаси амалга оширилмоқда. Ушбу лойиҳа жанубий кореялик мутахассислар билан ҳамкорликда ишлаб чиқилган. Режага кўра Нурафшон Ўзбекистондаги биринчи «ақлли» шаҳарга айланади.
