28 июль куни 21:00 да Тошкент ва бошқа шаҳарларда кўринган ёрқин ёруғлик манбаи Қозоғистондаги Бойқўнғир космодромидан учирилган «Союз-ФГ» ташувчи ракетага тегишли бўлиб чиқди. Бу ҳақда «Газета.uz"га Ўзбекистон Астрономия институтидан хабар қилинди.
Facebook ижтимоий тармоғидаги сурат.
«Бу Россиянинг Халқаро космик станцияга (ХКС) янги экспедицияни олиб кетаётган бошқарилувчи „Союз МС-05“ коинот кемаси эди. Бундай одатда ёруғлик ракета ташувчининг иккинчи босқичи ажратилаётганида таралади», — деди институт вакили.
Фото: Роскосмос.
Роскосмос маълумотларига кўра, 28 июль куни 20:41 да (Тошкент вақти билан) Бойқўнғир космодромидан бошқарилувчи «Союз МС-05» транспорт кемасини ортган «Союз-ФГ» ташувчи ракетаси старт олди. Бортда россиялик Сергей Рязанский, америкалик Рэндольф Брезник ва италиялик Паоло Несполи бўлган.
Айни пайтда экипаж ХКС бортига ўтишган. Космонавтларнинг 139 кун станцияда бўлиши режалаштирилган.
