Ўзбекистонда ижарада, қариндоши ёки танишининг уйида яшовчи талабаларни рўйхатга олиш тартибининг қулай ва соддалаштирилган шаклини ишлаб чиқилади. Бу Ўзбекистон Президенти Шавкат Мирзиёевнинг 27 июлдаги «Олий маълумотли мутахассислар тайёрлаш сифатини оширишда иқтисодиёт соҳалари ва тармоқларининг иштирокини янада кенгайтириш чора-тадбирлари тўғрисида"ги қарорида кўзда тутилган.
Ички ишлар вазирлигига Олий ва ўрта махсус таълим вазирлиги билан биргаликда рўйхатга олиш тартибининг соддалаштирилган шаклини ишлаб чиқиш ва икки ой муддатда амалиётга жорий қилиш вазифаси топширилди.
