Ўзбекистон Ёшлар иттифоқи Тошкент кенгашига Элбек Шукуров — Олий Мажлис Қонунчилик палатаси депутати ва Ўзбекистон Либерал демократик партияси раисининг ёшлар масалалари бўйича ўринбосари етакчиликка сайланди. Бу ҳақда унинг матбуот хизмати хабар қилди.
Ўзбекистон Президентининг 5 июлдаги фармони билан Ёшлар иттифоқи Тошкент кенгаши раҳбари бир вақтнинг ўзида пойтахт ҳокимининг маслаҳатчиси ҳам бўлиб, унинг мақоми ҳокимнинг биринчи ўринбосари билан тенглаштирилади.
Элбек Шукуров 1988 йилда Тошкентда туғилган. 2009 йилда Тошкент давлат аграр университетини тамомлаган. Меҳнат фаолиятини 2005 йилда «Камолот» Ёшлар ижтимоий ҳаракатида бошлаган, бир неча йиллар давомида турли лавозимларда, жумладан ташкилотнинг Тошкент шаҳар Кенгашида фаолият кўрсатган.
