8 июль куни Тошкентда саккизта йўл-транспорт ҳодисаси қайд этилиб, натижада саккиз киши оғир тан жароҳати олди ва икки киши ҳаётдан кўз юмди. Бу ҳақда пойтахт ИИББ хабар қилди.

Худди шу куни ЙПХ инспекторлари томонидан 2081 та қоидабузарлик аниқланган бўлиб, уларнинг 695 таси қўпол қоидабузарликдир. 23 киши маст ҳолда машина бошқаргани учун қўлга олинди.

Компьютерлаштирилган бошқарув тизими томонидан 8 июль куни жами 939 та ҳуқуқбузарлик қайд этилган бўлиб, шулардан 378 тасини светофорнинг тақиқловчи чироғига бўйсинмасдан ҳаракатланиш, 561 тасини белгиланган меъёрдан юқори тезликда ҳаракатланиш ташкил этади.