2 июль куни Тошкентда саккизта йўл-транспорт ҳодисаси содир бўлди, деб хабар қилди пойтахт ИИББ. Мазкур ҳодисаларда икки киши ҳалок бўлди, тўққиз киши тан жароҳатини олди.

Шу куни шаҳар ИИББ ЙҲХБ йўл-патрул хизмати инспекторлари томонидан 2701 та қоидабузарлик аниқланди. Уларнинг 858 таси қўпол қоидабузарлик бўлса, 35 вазиятда маст ҳолатда автомобиль бошқарилгани маълум бўлди.

ИИББ ЙҲХБ компьютерлаштирилган бошқарув тизими томонидан 2 июль куни жами 882 та қоидабузарлик қайд этилган бўлиб, шулардан 449 тасини светофорнинг таъқиқловчи чироғига бўйсинмасдан ҳаракатланиш, 433 тасини белгиланган меъёрдан юқори тезликда ҳаракатланиш ташкил этади.