«Ўзбекэнерго» компанияси бошқарув раиси лавозимига Жиззах вилоят ҳокимининг собиқ ўринбосари Улуғбек Мустафоев раҳбар бўлди, деб хабар қилинди вилоят маъмуриятидан «Газета.uz"га.

У 2016 йил сентябридан энергетика компаниясини бошқариб келаётган Фазлитдин Саломов билан ўрин алмашди.

Улуғбек Мустафоев ўтган йилдан бери вилоят ҳокимининг иқтисодий ва ижтимоий ривожлантириш, хизмат кўрсатиш ва тадбиркорлик масалалари бўйича ўринбосари вазифасида фаолият кўрсатиб келаётган эди.

2010—2016 йилларда у Ўзбекистон Марказий банки раисининг биринчи ўринбосари эди.