Апрель-май ойлари учун трансляция хизматларидаги қарздорлик сабабли UzReport TV телеканали эфири 3 июндан вақтинча тўхтатилди. Бу ҳақда Радиоалоқа, радиоэшиттириш ва телевидение маркази хабар қилди.
UzReport ахборот агентлиги матбуот хизматининг «Газета.uz"га хабар қилишича, эфирлар 5 июнда қайта тикланиши лозим. «Бу техник ҳолат. Қарздорлик қопланади ва телеканал яна ўз ишини бошлайди», — дея қайд этилди агентликда.
UzReport агентлигига тегишли бўлган Futbol TV телеканали ўз фаолиятини давом эттирмоқда.
