Ўзбекистонлик паралимпиячи Александр Свечников 12−22 май кунлари Озарбайжоннинг Боку шаҳрида бўлиб ўтаётган Ислом бирдамлик ўйинларида F13 синфида (кўришда муаммоси бор спортчилар) найза улоқтириш бўйича янги жаҳон рекордини ўрнатди.
Енгил атлетикачи найзани 70 м масофага улоқтирган ҳолда олтин медални қўлга киритди. Эътиборлиси, Александр Свечников ўзининг 19 ёшини нишонлаган жума кунида рекорд натижа қайд этди.
Видео
Рио-де-Жанейрода бўлиб ўтган 2016 йилги Паралимпия ўйинларида ўзбекистонлик спортчи 65,69 м натижа билан мусобақа ғолиби бўлган эди.
Виктор Зайцев найза улоқтириш бўйича барча тоифаларда амалдаги Ўзбекистон рекордчиси (87,20 м) ҳисобланади. Барча вақтларнинг жаҳон рекорди эса чехиялик найза улоқтирувчи Ян Желазнига (98,49) тегишли.
