2016 йилги Олимпиада чемпиони Фазлиддин «Fayzi» Ғойибназаров (2−0−0, 1 КО) Нью-Йоркдаги (АҚШ) Madison Square Garden аренасида бўлиб ўтган «Кроуфорд — Диас» бокс кечаси доирасида профессионал рингдаги иккинчи ғалабасини қўлга киритди.

Суперенгил вазнда (63,5 кг гача) ўзбекистонлик америкалик Агустин Маурасга (6−2−4, 3 КО) қарши 8 раундлик жангга киришди. Тошкент вилоятининг Бекобод туманидан бўлган боксчи жангда яққол устунликка эга бўлди: у чап қўли билан рақибига бир неча маротаба кучли зарбаларни берди. Барча ҳакамлар бир овоздан Ғойибназаровни ғолиб деб топди (80/72, 80/72, 80/72).

Эслатиб ўтамиз, Эгис Климас ўзбекистонлик боксчига менежерлик, Top Rank компанияси эса промоутерлик қилмоқда.

Видео