Телекоммуникацион лицензия олиш учун тақдим этилиши лозим бўлган ҳужжатлар сони учтага камаяди. Бу норматив ҳуқуқий ҳужжатларнинг муҳокамаси порталида эълон қилинган Ўзбекистон ҳукумати қарори лойиҳасида кўзда тутилган.
Эндиликда телеком-лицензия даъвогари ёнғн хавфсизлиги ва санитар назорат органларининг талаб ва меъёрларга мувофиқлик тўғрисидаги хулосасини олиши, шунингдек телекоммуникация тармоқларини лойиҳалаштириш ва қуриш бўйича мутахассисларнинг паспорт ва меҳнат дафтарчалари нусхасини топширишлари шарт эмас.
Бундан ташқари, ҳужжатда 1 июлдан бошлаб интернет клублар фақатгина «ягона дарча» ва Давлат хизматлари ягона портали орқали лицензияланиши, 2018 йил 1 январдан эса интернет клублар лицензияси электрон шаклда берилиши белгиланди.
