«Тошшаҳартрансхизмат» компанияси манфаатдор вазирлик ва идоралар билан биргаликда 2030 йилгача Тошкент йўловчи транспортни ривожлантириш концепциясини ишлаб чиқиш бўйича ишларни бошлади ҳамда пойтахт аҳолиси ва меҳмонларидан мазкур жараёнда иштирок этишни сўрамоқда.

«Тошкент шаҳри йўловчи ташиш транспорти мажмуасини ривожлантиришда биринчи навбатда йўловчиларга қулайликлар яратиш асосий эътиборга олинган йўловчи ташиш транспортини ривожлантиришга оид фикр-мулоҳазалар таклифларингизни киритишни сўраймиз, шунингдек хорижий мутахассисларнинг шаҳар йўловчи ташиш транспортини бошқариш истиқболлари ҳақида тажрибаларини билдиришларини истар эдик», — дейилади компания мурожаатида.

Таклифларни 10 июнгача бўлган вақт ичида concept@tshtx.uz электрон манзилига юбориш мумкин. Бунда ФИШ ва мурожаат учун телефон рақам кўрсатилиши зарур.