Кубада Ан-26 ҳарбий самолёти ҳалокатга учраши оқибатида саккиз киши вафот этди. Бу ҳақда The Guardian газетаси Куба Инқилобий қуролли кучлар вазирлигига таяниб хабар қилди.
Вазирликнинг ёзма баёнотида келтирилишича, Собиқ Иттифоқ даврида ишлаб чиқарилган икки моторли турбовинтли Ан-26 самолёти Гаванадан ташқаридаги Плайя-Баракоа аэропортидан 29 апрель куни 6:38 да ҳавога кўтарилиб, Канделария шаҳридан (Испания муниципалитет) 40 мил узоқликда тоққа бориб урилган.
«Бортдаги саккиз ҳарбий, жумладан экипаж ҳалок бўлди», — дейилади баёнотда. Ҳодиса сабаблари ўрганилмоқда.
Қўшимча тафсилотлар маълум эмас.
