Uzbek Tigers ярим профессионал бокс жамоаси Жаҳон бокс серияси (WSB) чорак финалида ўтган мавсум финалчиси — Кубанинг Cuba Domadores билан учрашув ўтказади. Биринчи бешта учрашув 13 май куни Ўзбекистонда ўтказилса, жавоб беллашувлари 19 май куни Кубада бўлиб ўтади, деб хабар қилинди ташкилот расмий сайтида.

Чорак финал босқичига қадар саккиз жамоа саралаш босқичидан муваффақиятли ўтиб келди.Улар Cuba Domadores (Куба, гуруҳда 1-ўрин), Colombia Heroicos (Колумбия, 2-), British Lionhearts (Буюк Британия, 1-), Italia Thunder (Италия, 2-), France Fighting Roosters (Франция, 3-), Astana Arlans (Қозоғистон, 1-), Patriot Boxing Team (Россия, 2-) ва Uzbek Tigers (Ўзбекистон, 3-).

Душанба куни бўлиб ўтган қуръаташлаш маросими натижалари:

"Газета.uz"да реклама

  • Uzbek Tigers vs Cuba Domadores — 13 ва 19 май;
  • France Fighting Roosters vs British Lionhearts — 11 ва 20 май;
  • Italia Thunder vs Colombia Heroicos — 13 ва 19 май;
  • Patriot Boxing Team vs Astana Arlans — 11 ва 20 май.
  • Мусобақа ярим финали 2−10 июнь кунлари, финал эса 23 ва 30 июнь кунлари бўлиб ўтади.