Абдуқаҳҳор Тўхтаев Тошкентнинг Олмазор туманига ҳоким этиб тайинланди. Аввалги ҳоким Баҳодир Ғойибназаров Ўзбекистон Президенти Шавкат Мирзиёев 21 апрель куни туманга ташрифбуюрганидан сўнг вазифасидан четлатилган эди.
Абдуқаҳҳор Тўхтаев (1956 йилда туғилган) мазкур тайинловга қадар Жиззах шаҳар ҳокими, 2005—2011 йилларда Тошкент ҳокими эди.
1996—1999 йилларда пойтахтнинг Шайхонтоҳур туманини бошқарди, 1999—2001 йилларда — Тошкент ҳокимининг қурилиш бўйича ўринбосари, 2001—2005 йилларда — ҳокимнинг биринчи ўринбосари бўлган. 2013—2016 йилларда «ЎзЛИТИнефтгаз» компанияси раҳбари ўринбосари сифатида фаолият олиб борган.
