Ўзбекистон ИИВнинг қатор бўлинмаларига янги бошлиқлар тайинланди, деб хабар қилди «Постда» газетаси.
Навоий шаҳар ички ишлар бўлимига подполковник Фарҳод Сидиқов бошлиқ бўлди. Урганч шаҳар ИИБга эса подполковник Илҳом Тожимуродов раҳбарлик қилади.
Шунингдек, Тошкент вилоятининг Ўртачирчиқ туман ИИБга — подполковник Валижон Ибрагимов, Навоий вилояти Қизилтепа туман ИИБга — подполковник Юнус Эшмуратов, Андижон вилояти Хўжаобод туман ИИБга — подполковник Сирожиддин Мамадалиев, Қашқадарё вилояти Муборак туман ИИБга — подполковник Салоҳиддин Шарипов ва шу вилоятнинг Нишон тумани ИИБга — подполковник Маҳманазар Холмуродов бошлиқ этиб тайинланди.
