Ўзбекистон Президентининг 6 апрелдаги қарори билан Равшан Усмонов Туризмни ривожлантириш давлат қўмитаси раисининг биринчи ўринбосари этиб тайинланди. Бу ҳақда қўмита матбуот хизмати хабар қилди.
Равшан Усмонов (1978 йилда туғилган) — Бирмингем университети (Буюк Британия), Жаҳон иқтисодиёти ва дипломатия университети ҳамда Тошкент давлат юридик университети битирувчиси.
Жорий тайинловга қадар у Ўзбекистоннинг Франциядаги элчиси (2012 йил августдан), шунингдек, Португалияда (2013 йил октябрдан) ва Италияда (2014 йил июндан) ўриндошлик асосида элчи бўлиб фаолият кўрсатган.
