«Ўзбекистон ҳаво йўллари» Миллий авиакомпаниясининг Тошкентдан Душанбега 4 апрелга белгиланган биринчи парвози йўловчилар етишмаслиги сабабли бекор қилинди. Бу ҳақда МАК матбуот хизмати «Газета.uz"га хабар қилди.
«Рейс йўловчилар етишмаслиги сабабли бекор қилинди», — дея ойдинлик киритилди авиакомпанияда. Янги рейс санаси кейинроқ эълон қилинади.
Аввалроқ хабар қилинганидек, «Тошкент-Душанбе-Тошкент» рейси парвозлари МАК парвоз жадвалига киритилган бўлиб, уларни сешанба ва шанба кунлари амалга ошириш режалаштирилган. Чипталар март ойи бошидан буён сотилмоқда.
