2016 йилги Олимпия ўйинлари олтин медали соҳиби Фазлиддин Ғойибназаров 22 апрель куни Кармонда (Калифорния, АҚШ) профессионал рингдаги дебют жангини ўтказади. Бу ҳақда 25 ёшли боксчининг Instagram-саҳифасида хабар қилинди.
BoxRec маълумотига кўра, бекободлик боксчининг рақиби 21 ёшли Виктор Васкес (7−2−9, 3 КО) бўлади. Бу Фазлиддин Ғойибназаровнинг 2016 йили Рио-де-Жанейрода бўлиб ўтган Олимпия ўйинларидан кейинги илк жанги бўлади. Боксчи ўзига «Fayzi» тахаллусини танлади.
Аввалроқ ўзбекистонлик спортчи энг таниқли промоутерлик компанияларидан бири − Top Rank билан шартнома имзолаган эди. Top Rank билан боксчилар орасида Мэнни Пакьяо, Муҳаммад Али, Хуан Мануэль Маркес, Оскар Де Ла Хойя, Флойд Мейвезер, Жо Фрейзер, Жорж Форман, Алексис Аргуэльо, Роберто Дуран, Василий Ломаченко ва бошқалар ишлаган, биргаликда фаолият кўрсатмоқда.
