Ўзбекистонда Кичик тадбиркорликни ривожлантириш кафолат жамғармаси ташкил этилди. Президентнинг бу ҳақдаги қарори 10 февралда имзоланди, деб хабар қилди жамғарманинг асосий таъсисчиларидан бири ҳисобланган Рақобатни ривожлантириш қўмитаси ахборот хизмати. Банклар ассоциацияси, Савдо-саноат палатаси ҳамда қатор йирик банклар ва суғурта компаниялари акционерлар қаторидан жой олган.

Кафиллик таъминотининг етишмаслиги — кичик тадбиркорлик субъектлари томонидан банк кредитларини олишдаги асосий тўсиқ ва кредит беришни рад этишнинг энг кўп тарқалган сабабларидан бири ҳисобланади.

Мазкур муаммони ҳал этиш билан шуғулланувчи жамғарма кичик тадбиркорлик субъектларига ажратилаётган кредитлар суммасининг кафолат билан қопланмаган, бироқ 100 минг АҚШ долларидан кўп бўлмаган 50 фоизгача миқдори кафиллигини ўз зиммасига олади.