Халқаро футбол федерациясининг (ФИФА) 9 февралда эълон қилинган янгиланган рейтингида Ўзбекистон терма жамоаси 63-ўринга тушди.
Январь ойида Ўзбекистон дунёнинг кучли футбол жамоалари рўйхатида 61-ўринни банд этган эди. Ўтган ойда Самвел Бабаян шогирдларининг 125-ўринда турган Грузия термаси билан ўртоқлик ўйини дуранг (2:2) билан якунланди.
Осиё футбол конфедерацияси термалари орасида энг яхши натижани Эрон (32-ўрин) қайд этган бўлса,кейинги поғоналарни Жанубий Корея (39), Япония (52), Австралия (54) ва Саудия Арабистони (56) банд қилди. Бешта футбол жамоасининг эса рейтингдаги ўринлари пастлади.
Биринчи бешликда Аргентина ўз ўрнини сақлаб турибди, кейинги навбатда Бразилия, Германия, Чили ва Бельгия бормоқда.
