55 ёшдан ошган футбол ишқибозлари янги мавсум аввалидан бошлаб Тошкентнинг «Локомотив» жамоасининг уй учрашувларига бепул ташриф буюришлари мумкин, деб хабар қилди клуб матбуот хизмати «Газета.uz"га.
Кекса ишқибозлар кассага шахсини тасдиқловчи ҳужжатини тақдим этган ҳолда «Локомотив» стадионига бепул кириш чиптасига эга бўлишлари мумкин.
«Темирйўлчилар» мавсумни 2017 йилги Осиё Чемпионлар Лигаси гуруҳ босқичи доирасида 27 февраль куни Бирлашган Араб Амирликларининг «Ал-Аҳли» жамоасига қарши учрашув билан бошлайди.
Эслатиб ўтамиз, ўтган футбол мавсумида «Локомотив» Ўзбекистон чемпионати кубогини қўлга киритган ҳолда «олтин дубль"ни расмийлаштириб олди.
