19−23 январь кунлари Монте-Карлода (Монако) 41-халқаро цирк санъати фестивали бўлиб ўтди. Унда Ўзбекистондан иштирок этган Sky Angels дуэти Кристианна Воробьёва ва Рустэм Османов цирк «Оскари» деб аталувчи «Олтин масҳарабоз» саноатининг олий мукофотига лойиқ деб топилди.

1974 йилдан буён ҳар йили мунтазам ўтказиб келинаётган фестиваль жаҳонда энг нуфузли цирк форуми ҳисобланади. Унда 16 давлатдан 120 дан зиёд артистлар иштирок этди. Олий мукофотдан ташқари, Sky Angels дуэти яна икки, жумладан, энг яхши мусиқий жўрлик махсус мукофотини қўлга киритди.

«Биз ўз номеримизни 5 йил аввал ўйлаган эдик ва ҳозиргача уни такомиллаштиришга ҳаракат қиламиз, — деди Кристианна Воробьёва «Газета.uz"га. — Биз тишда осилган ҳолда чиқиш қиладиган Ўзбекистондаги ягона ҳаво гимнастикачиларимиз. Ўйлаймизки, циркда артист ўз томошабинини ҳайратлантириши ва завқлантириш керак. Фестивалда бизнинг иштирокимизда иккида танлов чиқиши бор эди. Француз томошабинлари бизни гулдурос олқишлар билан қабул қилди. Князлар оиласи — Монако князи Альбер II ва Монако қиролича Стефания — тик турган ҳолда олқишлади! Барча буни катта ютуқ деди. Биз барчани ўз санъатимиз ва маҳоратимиз билан ҳайратга солганимиздан мамнунмиз».

Видео