Ўзбекистон Президенти Шавкат Мирзиёев Венгрия Президенти Янош Адерга Италия шимолидаги Верона провинциясида Венгрия фуқароларини олиб кетаётган автобуснинг йўл-транспорт ҳодисасига учраши оқибатида кўплаб инсонларнинг қурбон бўлганлиги муносабати билан чуқур ҳамдардлик билдирди. Бу ҳақда Ўзбекистон ТИВ матбуот хизмати хабар қилди.
Давлат раҳбари ҳалок бўлганларнинг оила аъзолари ва яқинларига ҳамда жароҳат олганларга самимий ҳамдардлик ва далда сўзларини етказишни сўради.
Италияда 21 январь кечаси Франциядан Венгрияга йўл олган сайёҳлик автобуси эстакада тўсиғига бориб урилиб, ёниб кетган. Йўловчилар орасида 14 дан 18 яшгача мактаб ўқувчилари, ота-оналар ва ўқитувчилар, жами 55 киши бўлган. ОАВ маълумотларига кўра, 16 киши ҳаётдан кўз юмган.
