Пайшанба куни Берлинда очилиш маросими бўлиб ўтган «Яшил ҳафталик-2017» (Grüne Woche) 82-халқаро қишлоқ хўжалиги ярмаркасида мазкур соҳа анъаналари ва инновациялари асосий диққат марказидан жой олган.
Озиқ-овқат саноати, боғдорчилик, қишлоқ ва ўрмон хўжалиги соҳасида дунёдаги энг йирик тадбирда 66 мамлакатдан 1650 экспонат ўрин олган. Ҳафталик очилишига 3000 дан зиёд киши ташриф буюрди. 118 минг кв. м майдонни эгаллаган ярмаркага 10 кун ичида 400 мингдан зиёд кишининг ташриф буюриши кутилмоқда.
Ярмарка очилишида барча иштирокчи давлатлар рўйхати намойиш этилди.
Мазкур ярмаркада ўз миллий стендини жойлаштирган Ўзбекистон делегацияси таркибидан ҳукумат вакиллари, Қишлоқ ва сув хўжалиги вазирлиги, «Ўзбекозиқовқатхолдинг», «Ўзагроэкспорт» ва «Ўзвиносаноат-холдинг» компаниялари раҳбарияти ҳамда қатор ишлаб чиқарувчилар ўрин олган.
