16−29 январь кунлари бўлиб ўтадиган Австралия Очиқ чемпионатида Ўзбекистон вакили Денис Истомин (дунё рейтингида 117-ўрин) жаҳоннинг иккинчи рақамли ракеткачиси Новак Жоковични 7/6(10), 5/7, 2/6, 7/6(6), 6/4 ҳисобига мағлубиятга учратди.

4 соату 48 дақиқа давом этган учрашувда 30 ёшли ўзбекистонликдан виннер бўйича устун келди (68−63), бироқ кўпроқ хатоларга йўл қўйди (72−60). Истомин ҳисобида 17 та эйс бўлса, Жоковичда 14 та.

Қайд этиш жоизки, Australian Open мусобақасининг олти карра ғолиби Новак Жокович илк бор «Катта дубулға» мусобақаларида дунё рейтингининг кучли юзталигидан ўрин олмаган ўйинчисидан илк бор мағлубиятга учради.

20 январь куни чемпионатнинг учинчи доирасида Истомин испаниялик Пабло Карреньо-Буста (31) билан ўйнайди.