Ўзбекистонда миллий ишлаб чиқарувчиларнинг ижтимоий аҳамиятга молик дори воситалари ва тиббий буюмларига белгиланган нарх чегаралари тасдиқланди. Улар рўйхати Хусусийлаштириш, монополиядан чиқариш ва рақобатни ривожлантириш давлат қўмитаси томонидан эълон қилинди.
Президентнинг 31 октябрдаги қарорига мувофиқ, нархлар Даволаш муассасалари ва аҳолини дори-дармон воситалари ва тиббиёт буюмлари билан таъминлаш Республика комиссияси томонидан белгиланди. Рўйхатдан жами 116 номдаги Ўзбекистонда ишлаб чиқарилган, 227 номдаги хориждан импорт қилинадиган дори-дармон воситалари ўрин олган.
Яқин вақтларда импорт қилинувчи дори-дармон воситалари ва тиббиёт буюмларига белгиланган нархлар эълон қилиниши кутилмоқда.
