2015 йилдан буён «Маҳалла» хайрия жамоат фондида раҳбар бўлиб ишлаб келган Жовдатхон Иноғомов Тошкентнинг Учтепа туманига ҳоким этиб тайинланди, деб хабар қилди пойтахт маъмурияти матбуот хизмати.
47 ёшли Иноғомов Тошкент давлат педагогика университети, Тошкент давлат иқтисодиёт университети ва Ўзбекистон Президенти ҳузуридаги Давлат ва жамият қурилиш академиясини тамомлаган.
1999−2001 йилларда Тошкент ҳокими ўринбосари, 2001−2004 йилларда — пойтахтнинг Олмазор туман ҳокимининг ижтимоий масалалар бўйича ўринбосари бўлган. 2004−2006 йилларда «Ёшлик» талабалар шаҳарчаси маъмуриятини бошқарди. 2006 йилдан Ахборот технологиялари ўзбек-корейс ўқув маркази директори вазифасида ишлаган бўлса, 2011 йилдан «Маҳалла» фондида Тошкент шаҳар бошқармаси раиси лавозимида фаолият олиб борди.
