РИА Новости — Корея Республикаси парламенти мамлакат Президенти Пак Кин Хенинг импичментини эълон қилди. Президентнинг истеъфога чиқиши учун Миллий мажлиснинг 234 нафар депутати овоз берди, 56 нафари қарши бўлди, яна икки нафари бетараф томонда қолди. Етти бюллетен эса яроқсиз деб топилди. Йиғилиш корейс телевидениеси орқали жонли эфирга узатилди.

Импичментнинг эълон қилинишига Пак Кин Хе ва унинг таниши Цой Сун Шил атрофидаги коррупцион можаролар сабаб бўлди. Тасдиқланишича, Президент дугонаси ўз алоқаларидан ғаразли мақсадларда фойдаланган, ҳаттоки, давлат раҳбари ва унинг маъмурияти орқали давлат ишларига ҳам аралашган.

Эндиликда импичмент Жанубий Корея Конституцион суди томонидан тасдиқланиши ёки бекор қилиниши лозим.

Рёнҳап агентлигининг тасдиқлашича, янги сайлов бўлгунига қадар давлат раҳбари вазифасини бош вазир Хван Геан бажаради.