ХХР раиси Си Цзиньпин Шавкат Мирзиёевни Ўзбекистонда бўлиб ўтган Президент сайловида ғалаба қозонгани муносабати билан табриклади. Бу ҳақда душанба куни ХХР ТИВ матбуот хизмати хабар қилди.

Си Цзиньпин ўз қутловида Хитой ва Ўзбекистон яқин қўшнилар, яхши дўстлар ва ишончли шериклар экани, икки ўртада самимий ўзаро ишонч ўрнатилганини таъкидлаб ўтади.

«Дипломатик алоқалар ўрнатилган 1992 йилдан буён икки давлат ижобий ривожланиш, сиёсий ишончни мустаҳкамлаш, ўзаро манфаатли ҳамкорлик ва стратегик алоқаларни биргаликда ривожлантириш йўлидан боришда давом этди», — дейилади мактубда.