30 ноябрь кечаси ҳолатига кўра, Ўзбекистон Президенти сайловида муддатидан олдин овоз берган фуқаролар сони 68,7 минг нафарни ташкил этди. Бу ҳақда Марказий сайлов комиссияси матбуот хизмати «Газета.uz"га хабар қилди.

Муддатидан олдин овоз бериш 24 ноябрь куни бошланиб, 2 декабрга қадар давом этади. Унда 4 декабрда бўладиган сайловда ўз яшаш жойида бўла олмайдиган фуқаролар иштирок этиши мумкин.

Бунинг учун фуқаро ўз сайлов участка комиссиясига 9 дан 18 га қадар ариза билан мурожаат қилиши лозим.