30 ноябрь куни Самарқанддаги «Динамо» стадионида футбол бўйича 24- Ўзбекистон Кубоги финал учрашуви бўлиб ўтди. Унда Тошкентнинг «Локомотив» жамоаси Қаршининг «Насаф» жамоаси устидан кичик 1:0 ҳисобида ғолибликка эришди. «Темирйўлчилар» бир мавсумда Ўзбекистон чемпионати ва Кубогида ғолиб чиққан ҳолда «олтин дубль» қайд этди.
Учрашувдаги ягона голни Тошкент клубининг 25 ёшли ҳужумчиси Темурхўжа Абдухолиқов 2-дақиқада киритди.
Бош мураббий Андрей Микляев шогирдлари ўз тарихидаги иккинчи Ўзбекистон Кубогини қўлга киритди. Бунга қадар «темирйўлчилар» 2014 йилда финалда «Бунёдкор"ни мағлуб этган ҳолда кубок эгасига айланган эди.
Фото: twitter.com/LokomotivUzb.
«Локомотив» таркиби: Маъмур Икромов, Кахи Махарадзе, Темурхўжа Абдухолиқов, Сардор Мирзаев, Салим Мустафоев, Тимур Кападзе, Ислом Тўхтахўжаев, Санжар Шоаҳмедов (Бобурбек Йўлдошев 84'), Икром Алибоев, Шерзод Файзиев (Олег Зотеев 73'), Артур Геворкян (Марат Бикмаев 53'). Захира: Игнатий Нестеров, Садриддин Абдуллаев, Неманья Яничич, Қувондиқ Рўзиев.
«Насаф» таркиби: Элдорбек Суюнов, Азиз Ғаниев, Шуҳрат Муҳаммадиев, Баҳром Абдураҳимов, Игорь Голбан, Шерзод Аъзамов, Фозил Мусаев, Одилжон Ҳамробеков (Шаҳбоз Эркинов 58'), Фарруҳ Сайфиев, Дониёр Нарзуллаев, Драган Черан (Бобур Абдухолиқов 71'). Захира: Санжар Қувватов, Мақсуд Каримов, Шароф Муҳитдинов, Азамат Алланиязов, Сайдулло Раҳматов.
