Ўзбекистон терма жамоаси Халқаро футбол федерациясининг (ФИФА) ноябрь ойи учун янгиланган рейтингида 48-ўриндан 62-ўринга пастлади. Бу ҳақда ташкилот сайтида хабар қилинди.
Ноябрь ойи якунларига кўра, миллий терма жамоа жаҳон чемпионати-2018 Осиё саралаш босқичи доирасида Жанубий Кореядан мағлуб бўлиб (2:1), Иордания билан ўртоқлик учрашувида ғалаба қозонганидан сўнг ўз позициясини 14 поғонага бой берди.
Мазкур кўрсаткич (62- ўрин) Осиё футбол конфедерацияси аъзолари ўртасида Эрон (30-ўрин), Жанубий Корея (37-ўрин), Япония (45), Австралия (48) ва Саудия Арабистонидан (56) кейинги олтинчи ўринни эгаллашига олиб келди.
Рейтингда Аргентика ўз мавқейини сақлаб, етакчилик қилмоқда. Рўйхатнинг иккинчи қаторини эса Германияни учинчи ўринга тушириб юборган Бразилия термаси эгаллади. Чили, Бельгия, Колумбия, Франция, Португалия, Уругвай ва Испания кучли ўнталикка якун ясади.
ОФК вакиллари ўртасидаги рейтинг
Фото: instagram.com/theafchub.
