Ўзбекистон Президенти вазифасини бажарувчи Шавкат Мирзиёев Уттар-Прадеш штати Канпур шаҳрида юз берган темир йўл ҳалокати оқибатида кўплаб инсонларнинг нобуд бўлгани ва жароҳат олгани муносабати билан Ҳиндистон Президенти Пранаб Кумар Мукержига мактуб йўллади.

ТИВ матбуот хизматининг хабар қилишича, Ўзбекистон раҳбари чуқур таъзия изҳор этиб, ҳалок бўлганларнинг оила аъзолари ва яқинларига ҳамда жабрланганларга самимий ҳамдардлик туйғуларини етказиб қўйишни сўради.

Якшанба куни тунда Индор-Патна тезюрар поезди темир йўл изларидан чиқиб кетиши оқибатида 140 нафардан зиёд киши ҳаётдан кўз юмиб, 200 нафарга яқини жароҳатланган эди.