5 ноябрь куни Либерецда (Чехия) аралаш яккакурашлар (ММА) вакиллари иштирокида Night of Warriors X профессионал жанглар кечаси бўлиб ўтади.
Мусобақа доирасида 26 ёшли ўзбекистонлик Маҳмуд Муродов жангга чиқади. Бухоролик спортчи 10 жангнинг 8 тасида ғалаба қозонган 23 ёшли поляк Дамиан Чандзел билан беллашади.
Муродов World Kickboxing Network ташкилоти талқини бўйича интерконтинентал чемпион, Caveam талқини бўйича жаҳон чемпиони титулига эгалик қилади. Тўрт йиллик профессионал фаолияти давомида у 18 та жанг ўтказиб, 13 тасида ғалаба қозонган.
