Ўзбекистон Бош прокуратураси тадбиркорга бизнесни юритишнинг норматив-ҳуқуқий ва ташкилий амалий асосларини такомиллаштириш бўйича фикрларини юбориш таклифи билан мурожаат қилди. Уларни қуйидаги ҳавола орқали юбориш мумкин.
Янг яхши таклифлар муаллифлари уларнинг амалий жиҳатдан юзага чиқариш бўйича аниқ чораларни ишлаб чиқиш жараёнида бевосита иштирок этишлари мумкин, дейилади маҳкама матбуот хизмати хабарида.
«Газета.uz» Бош прокуратурада тадбиркорликнинг ривожланиши йўлида тўсқинлик қилаётган омилларни бартараф этиш бўйича махсус ишчи гуруҳ тузилгани тўғрисида хабар қилган эди. Мазкур гуруҳ фаолияти доирасида Бош прокуратура Савдо-саноат палатаси ва Адлия вазирлиги билан ҳамкорликда тадбиркорлар билан қатор учрашувлар ўтказмоқда.
Мазкур учрашувлар якунлари бўйича тадбиркорлар томонидан қайд этилган асосий муаммолар рўйхати шакллантирилиб, уларни ҳал этиш юзасидан таҳлил ўтказилади ва таклифлар ишлаб чиқилади.
