Душанба куни пойтахтдаги «Ўзэкспомарказ"да очилган X Халқаро саноат ярмаркаси ва кооперация биржасида Ўзбекистонда ишлаб чиқарилаётган 20 мингдан зиёд номдаги маҳсулотлар тақдим этилди. 31 октябрга қадар давом этадиган тадбиркорлар юбилей форумида 2000 миллий ишлаб чиқарувчи иштирок этмоқда.

Кенг миқёсли тадбир «Ўзэкспомарказ"нинг барча павильонларини қамраб олган. Унда геологоразведка, минерал-хом ашё ресурсларини қазиб олиш ва қайта ишлаш, электротехника, кимё, фармацевтика, енгил ва оғир саноат, қурилиши материаллари, полиграфия, транспорт ва транспорт машинасозлиги сингари соҳалар вакиллари иштирок этмоқда.

Маросим очилишида сўзга чиққан Ўзбекистон бош вазири ўринбосари Улуғбек Розукулов уни ўзбек ишлаб чиқарувчилари ва хорижлик истеъмолчилар ўртасида ўзаро алоқаларни ўрнатиш учун самарали майдонча эканини таъкидлаб ўтди.

Ўтган ярмаркада 12 трлн сўмдан зиёд миқдордаги маҳсулотларни етказиб беришга шартномалар имзоланган бўлса, хорижий компаниялар билан 8,5 млрд долларлик битимлар тузилган.

Чет эллик иштирокчилар сони 1300 дан ортади. Россия ва Қозоғистондан делегациялар ташриф буюрди. Хусусан, РФ саноат ва тижорат вазири ўринбосари Александр Морозов бошчилигидаги Россия делегацияси таркибидан йирик компаниялар вакиллари жой олган.