Тошкентда жорий йил очилнинг Венгриянинг Ўзбекистондаги элчихонаси 20 октябрь куни биллий байрамга бағишланган илк тадбирини ўтказди, хабар қилди «Туркистон-пресс» НАА.
Венгер халқи 1989 йилдан буён 23 октябрь куни 3-Венгер республикаси ташкил этилган санани нишонлайди. Бундан ташқари, жорий йилда мамлакат 1956 йилдаги Венгер инқилобининг 60 йиллигини ҳам нишонлайди.
Венгрия Ўзбекистон билан дипломатик муносабатларни 1992 йил 3 мартда ўрнатган, бу йил эса Тошкентда ўз элчихонасини очди.
«Венгрия Ўзбекистонни Марказий Осиёдаги муҳим шериклардан бири сифатида кўради ва мамлакатнинг жаҳон сиёсатидаги ўсиб бораётган ролини тан олади», — деди Венгрия элчиси Петер Санто. Дипломатнинг таъкидлашича, элчихона очилиши нафақат икки мамлакат ўртасидаги сиёсий ва иқтисодий муносабатлар, балки маданият, таълим ва туризм соҳалари ривожига ҳам ижобий таъсир кўрсатади.
2015 йил якунларига кўра, Ўзбекистон ва Венгрия ўртасидаги маҳсулот айирбошлаш ҳажми 44,5 млн доллардан кўпроқни ташкил этди. Ўзбекистонда Венгрия сармоядорлари иштирокидаги учта корхона фаолият кўрсатаётган бўлиб, уларнинг иккитаси ҳамкорликдаги, биттаси 100 фоизлик венгер капитали ҳисобига ташкил этилган.
