25 сентябрдан 3 октябрга қадар Болгариянинг Бургас шаҳрида ушу бўйича ўсмирлар ўртасида 6-жаҳон чемпионати бўлиб ўтди.

Турнирда 53 мамлакатдан 800 нафар спортчи иштирок этди. Ўзбекистон термаси Дилшод Бозоров ва Жамолиддин Салимжонов мураббийлиги остида 11 спортчи билан қатнашди. Уларнинг 7 нафари таолу, 4 нафари саньда йўналишида иштирок этди.

Мусобақа якунларига кўра, Ўзбекистон вакиллари бир олтин ва бир бронза медалини қўлга киритди. Таёқ билан комплекс чиқишда энг яхши натижани кўрсатган Дарья Латишова биринчи ўринни эгаллаган бўлса, Азизбек Исроилов саньда йўналишида учинчи деб топилди.