23−30 сентябрь кунлари Орландо (Флорида штати, АҚШ)да кикбоксинг ва каратэ бўйича жаҳон чемпионати бўлиб ўтди. Унда кикбоксинг бўйича Ўзбекистон терма жамоаси аъзолари биттадан олтин ва бронза медалини қўлга киритди, дея хабар қилди ЎзА.
Жаҳон биринчилигида 33 мамлакатдан спортчилар иштирок этди. Аҳмат Алимбеков 86 килограмгача вазн тоифасида барча рақибларидан устун келиб, энг юқори поғонани банд этди.
75 килограмгача вазн тоифасида эса Фазлиддин Ваҳобов бронза медалини қўлга киритди.
